ᑎᑎᖅᑭᕆᔪᓐᓇᖅᓯᕙᓪᓕᐊᓂᖅ ᐊᖏᕐᕋᒥ

ᐊᖏᕐᕋᒥ ᑎᑎᖅᑭᕆᒋᐅᖅᓴᓂᕐᒥᒃ ᐱᓕᕆᐊᖃᕐᓂᐊᕐᓗᓂ ᐱᔭᕆᐊᑐᖖᒋᓚ.ᖅ

ᐅᑯᐊ ᐃᓱᒪᒋᒋᐊᕐᓂᐊᖅᐸᑎᑦ:

ᑎᑎᖅᑭᕆᔪᓐᓇᕐᓂᕐᒥᒃ ᐊᕙᑎᖃᓕᖅᑎᓪᓗᒋᑦ.

• ᑕᑯᑎᑉᐸᓪᓗᒍ ᕿᑐᕐᖓᐃᑦ ᐅᖃᓕᒫᒐᐃᑦ ᐊᑑᑎᖃᕐᓂᖏᓐᓂᒃ ᐱᓕᕆᕕᖃᕐᓗᑎᑦ ᐊᔾᔨᐅᖖᒋᑦᑐᑦᒥᒃ ᓲᕐᓗ ᐃᓕᔾᔨᕕᖕᒥ ᐅᕝᕙᓘᓐᓃᑦ ᐊᖏᕐᕋᔅᓯᓐᓂ ᐅᖃᓕᒫᒐᖃᕐᕕᖃᕐᓗᓯ.
• ᐅᖃᓕᒫᖃᑦᑕᕐᓗᑎᑦ ᖃᐅᑕᒫᑦ. ᐅᖃᓕᒫᕈᑎᓗᒍ ᕿᑐᕐᖓᐃᑦ ᐅᓪᓗᒥ ᑕᕝᕙᓂᑦᓴᐃᓐᓇᖅ ᑐᑭᓯᓂᐊᖅᑐᖅ ᐅᖃᓕᒫᕐᓂᐅᑉ ᐱᒻᒪᕆᐅᓂᖓᓂᒃ.
• ᓂᐱᖃᓗᐊᖖᒋᑦᑐᒥ ᓇᓂᓯᓗᑎᑦ ᐅᖃᓕᒫᕐᕕᒋᖃᑦᑕᕐᓂᐊᖅᑕᕐᓂᑦ. ᐅᓚᕕᑦᑎᔪᓐᓇᖅᑐᖃᓗᐊᖖᒋᓪᓗᓂ ᑕᓚᕖᓴ ᖃᒥᓪᓗ, ᓈᓚᐅᑎ, ᐊᓯᖏᓪᓗ ᐅᐊᔭᒨᖅᑐᑦ,
  ᖃᒥᓪᓗᒋᓪᓗ ᖃᐅᔨᒃᑲᐃᔾᔪᑎᑦ ᐃᑭᐊᖅᑭᕕᒃᑰᖅᑐᒥᒃ ᐅᖃᓕᒫᒐᕐᒥ ᐅᖃᓕᒫᖅᑎᓪᓗᑎᑦ.
• ᕿᑐᕐᖓᐃᑦ ᑕᑯᓐᓇᖅᑎᑉᐸᓪᓗᒍ ᐅᖃᓕᒫᕐᓂᕐᓂᑦ ᑎᑎᕋᕐᓂᕐᓂᕐᓗ. ᓱᕈᑦᑎᑦ ᖃᐅᔨᔪᒪᐃᓐᓇᓲᖑᒻᒪᑕ ᐃᓐᓇᐃᑦ ᑭᓱᓕᕆᖕᒪᖔᑕ. ᕿᑐᕐᖓᐃᑦ ᑕᑯᕙᒃᐸᑦ
  ᐅᖃᓕᒫᖅᑎᓪᓗᑎᑦ ᑎᑎᕋᖅᑎᓪᓗᑎᓪᓘᓐᓃᑦ ᖁᕕᐊᒋᓗᒋᑦ, ᖃᐅᔨᔪᒪᓕᑐᐃᓐᓇᕆᐊᓖᑦ ᐅᖃᓕᒫᕐᓂᕐᒥᒃ ᑎᑎᕋᕐᓂᕐᒥᒡᓗ!
• ᕿᑐᕐᖓᐃᑦ ᐅᖃᓪᓚᖃᑎᒋᕙᓪᓗᒍ ᐱᓕᕆᑎᓪᓗᑎᑦ ᐊᖏᕐᕋᔅᓯᓐᓂ, ᓄᓇᓕᖕᓂ ᐱᓱᓕᕌᖓᔅᓯ, ᓂᕆᖃᑎᒌᓕᕌᖓᔅᓯᓗ. ᐅᖃᓪᓚᖃᑎᒌᓐᓇᖅᐸᒃᑯᕕᐅᒃ ᐊᔾᔨᒌᖖᒋᑦᑐᓂᒃ ᖃᐅᔨᒪᔭᖏᓐᓂᒃ ᐅᖃᐅᓯᖅᑖᖅᐸᓪᓕᐊᔾᔪᑎᒋᔪᓐᓇᖅᑕᖏᑦ.
• ᕿᑐᕐᖓᐃᑦ ᐅᓂᒃᑳᕐᓂᒃ ᐅᓂᒃᑳᕐᕕᒋᕙᓪᓗᒍ ᐊᒻᒪ ᐅᓂᒃᑳᖅᑎᑉᐸᓪᓗᒍ ᐅᓂᒃᑳᒃᓴᖏᓐᓂᒃ.
• ᕿᑐᕐᖓᐃᑦ ᐊᒥᐊᕆᔪᓐᓇᖅᑎᑉᐸᓪᓗᒍ, ᑎᑎᖅᑐᒐᕈᓂ, ᒥᖑᐊᕆᓗᓂᓘᓐᓃᑦ. ᕿᑐᕐᖓᐃᑦ ᐱᓕᕆᕙᒃᐸᑦ ᑖᒃᑯᓂᖓ ᐱᓕᕆᐊᒃᓴᓂᒃ, ᐱᕙᒌᔭᖅᓯᒪᓂᖅᓴᐅᓂᐊᖅᑐᑦ ᐃᓕᓐᓂᐊᕆᐊᓚᐅᖖᒋᓐᓂᕐᒥᓂᒃ. ᑕᑯᑎᓪᓗᒍ ᕿᑐᕐᖓᐃᑦ ᐅᖃᓕᒫᒐᐃᑦ ᐊᑑᑎᖃᕐᓂᖏᓐᓂᒃ ᓴᓂᕐᕙᐃᓗᑎᑦ ᐅᖃᓕᒫᒐᓄᑦ ᐃᓂᐅᔪᓐᓇᖅᑐᓂᒃ ᓲᕐᓗ ᐃᓕᔾᔨᕕᖕᒥ ᐊᓯᖏᓐᓂᒡᓗ ᐅᖃᓕᒫᒐᖃᕐᕕᐅᔪᓐᓇᖅᑐᓂᒃ.

ᐅᖃᓕᒫᕐᓂᖅ ᖁᕕᐊᓇᖅᑑᑎᓪᓗᒍ!

• ᕿᑐᕐᖓᐃᑦ ᐅᖃᓕᒫᕐᕕᒋᕙᓪᓗᒍ ᓂᐲᑦ ᐃᒃᐱᖕᓇᖅᑑᑎᓪᓗᒍ ᐊᔾᔨᒌᖖᒋᑦᑐᓂᒡᓗ ᓂᐱᖃᖖᒍᐊᓕᖅᐸᓪᓗᑎᑦ ᐅᓂᒃᑳᖑᔪᑦ ᒪᓕᒡᓗᒋᑦ ᐅᓂᒃᑳᒥᓪᓗ ᖃᓄᐃᖖᒍᐊᕐᓃᑦ.
• ᐅᖃᓕᒫᖅᑎᓪᓗᒍ ᐅᖃᓕᒫᒐᖅ, ᐅᓂᒃᑳᕆᕙᓪᓕᐊᓗᒋᑦ ᐊᔾᔨᖖᒍᐊᖏᑦ ᐅᖃᐅᓰᓪᓗ ᖃᐅᔨᔪᒥᓇᖅᑐᑦ. ᐊᐱᕆᕙᒡᓗᑎᑦ ᖃᓄᐃᖖᒍᐊᖅᑐᒋᑦᑎᓂᐊᓕᕐᒪᖔᑦ (ᓲᕐᓗ., “ᓇᓄᖅ ᐅᑎᕐᓂᐊᖅᑐᕆᕕᐅᒃ?”) ᑕᑯᔭᖏᑕᓗ ᒥᒃᓵᓄᑦ ᑐᓴᖅᑕᖏᑕᓗ ᐅᓂᒃᑳᒥ.
• ᕿᑐᕐᖓᐃᑦ ᐃᓚᓕᐅᑎᓐᓇᓱᖃᑦᑕᕈᒃ ᐅᓂᒃᑳᕐᒧᑦ ᐅᖃᐅᓯᕐᓂᒃ ᑎᒃᑯᐊᖁᕙᒡᓗᒍ ᑕᑯᒥᓇᕆᔭᖏᓐᓂᒡᓗ.
• ᕿᑐᕐᖓᐃᑦ ᐅᖃᓕᒫᒐᕐᒧᑦ ᐊᑐᖅᓯᒪᔭᖏᓐᓂᒃ ᐊᔾᔨᓯᓇᓱᒃᑎᑉᐸᓪᓗᒍ. ᓲᕐᓗ, ᐅᖃᓕᒫᒐᖅ ᐱᔾᔪᑎᖃᖅᐸᑦ ᐆᒪᔪᒥᒃ, ᐅᓂᒃᑳᕐᕕᒋᓗᒍ ᐊᑐᖅᓯᒪᔭᕐᓂᒃ ᐆᒪᔫᑉ ᒥᒃᓵᓄᑦ. 
• ᐅᖃᓕᒫᓕᖅᑭᑉᐸᓪᓗᒍ ᐅᖃᓕᒫᒐᖅ ᕿᑐᕐᖓᕐᓄᑦ. ᐅᖃᐅᓯᖅᑖᖅᐸᓪᓕᐊᓂᐊᖅᑐᖅ ᐃᓕᓴᖅᓯᔪᓐᓇᖅᓯᓗᓂᓗ ᐅᖃᓕᒫᖅᑕᕐᓂᒃ.
• ᕿᑐᕐᖓᐃᑦ ᐅᖃᓕᒫᒐᕐᒥᒃ ᐃᓕᓴᖅᓯᔪᓐᓇᖅᓯᑉᐸᑦ, ᑲᔪᖏᖅᓴᕐᓂᐊᖅᐸᑦ “ᐅᖃᓕᒫ”-ᕈᔾᔨᖁᓗᒍ ᐃᓕᖕᓂᒃ, ᐊᔾᔨᖖᒍᐊᓂᒃ ᐊᑐᐊᖅᓯᓗᓂ.
• ᕿᑐᕐᖓᐃᑦ ᓂᕈᐊᖅᓯᑎᓪᐸᓪᓗᒍ ᐅᖃᓕᒫᒐᕐᒥᒃ ᐅᖃᓕᒫᕐᓂᐊᖅᑕᕐᓂᒃ ᖃᓄᐃᑦᑐᓂᒡᓗ ᐅᖃᓕᒫᕐᕕᐅᖃᑦᑕᕈᒪᒻᒪᖔᑦ ᐅᖃᓕᒫᒐᕐᓂᒃ.