ᐅᓂᒃᑳᖑᔪᑦ
ᐃᒡᒑᒃ?
ᐃᒡᒑᒃ?
ᓇᓄᖅ ᐊᑎᖅᑕᐅᕗᖅ. ᓯᒃᑲᖓᓪᓗᓂ ᐱᓗᕿᕈᓘᔭᓲᖑᓪᓗᓂ. ᖁᕕᐊᓱᒋᐊᒃᓴᖅ ᖁᕕᐊᒋᔭᖓ. ᐃᒻᒥᓂᒃ ᐃᔪᕆᕙᒃᑐᓂ ᐃᓅᓯᕐᒥᓂᒡᓗ ᐱᓪᓚᕆᓗᐊᕋᓂ. ᑲᔪᖏᖅᓴᐃᔨ ᐱᖃᓐᓇᕆᔭᖏᑕ ᐱᐅᓂᖏᓐᓂᒃ ᕿᓂᓲᖅ.
ᐅᒥᖕᒪᒃ ᐅᒥᖕᒫᖑᕗᖅ. ᓂᐱᖅᑯᑐᓗᐊᖖᒋᑦᑐᖅ ᑕᑯᓐᓇᖖᒍᐊᒡᒍᔪᖅ, ᐃᓅᓯᕐᒥᒡᓗ ᒪᓕᑐᐃᓐᓇᖅᑐᓂ. ᑐᐊᕕᕈᓐᓇᑦᑎᐊᖖᒋᑦᑐᖅ ᖁᕕᐊᒋᓪᓗᓂᒋᓪᓗ ᐊᕙᑎᖏᓐᓃᑦᑐᑦ. ᐱᖃᓐᓇᕆᔭᖏᓪᓗ ᐃᒃᐱᒋᑦᑎᐊᖅᑐᓂᒋᑦ ᐅᔾᔨᕆᕙᒃᑐᓂᒋᑦ ᖁᕕᐊᓱᖖᒋᓕᕌᖓᑕ ᐊᑲᐃᓪᓕᐅᕈᑎᖃᓕᕌᖓᑕᓗ. ᓯᓚᑐᓂᖅᓴᐅᓪᓗᓂ ᐊᕐᕌᒍᖏᓐᓂᒃ ᐱᖃᓐᓇᕆᔭᖏᓪᓗ ᐅᖃᐅᔾᔪᖅᐸᒃᑐᓂᒋᑦ.
ᑐᒃᑐ ᓄᑲᑐᒐᐅᕗᖅ. ᓂᑲᓇᖅᑐᓂ, ᓯᓚᐃᑦᑐᓂ, ᓇᒡᓕᒍᓱᖕᓂᕐᒥᓂᒃ ᓴᖅᑭᔮᖅᑎᑦᑎᔪᖅ. ᐅᒃᑯᐃᖓᑦᑎᐊᖅᑐᓂ ᓱᓕᕙᑦᑐᓂ ᑕᑯᒃᓴᐅᑎᒃᑲᓗᐊᕈᓂᒋᑦ ᐃᒃᐱᖕᓂᐊᒋᔭᖏᑦ ᓱᖁᑎᒃᓴᕈᓐᓇᕋᓂ. ᐃᑲᔪᖅᑕᐅᔪᒪᓴᕋᐃᑦᑐᖅ ᐱᖃᓐᓇᕆᔭᖏᓐᓂᒡᓗ ᑐᕙᖃᒡᒍᓪᓗᓂ.